الفرحه فى الشوارع

يا جماعه موضوع مهم دا جدا قوى كاس الامم الافريقيه 2008

انا بجد اول مره احس انى مصرى بجد والفرحه تبقى واحده
وانك لما تمشى مع ناس فى الشارع كدا اكنهم صحابك
وتهزر معاهم ويهزروا معاك
دا شيئ جميل جدا
بصراحه انا كنت فى عالم تانى
لما تلاقى مدير الامن ومحافظ البلد بتاعتك متجمعين فى الشارع بيهنيك وبيشجعوك
والفرحه واحده
بنات
او ولاد

وسهر للصبح على نغم واحد
وناس تقول
1
2
3
عملوها ولاد شحاته

وارقص يا حضرى

وياترى مين اللى وراهم

بصراحه مش تتخيلوها واكيد فى ناس نزلت وشافت وكانت من ضمن اللى بيحيوا منتخب مصر بالفوز
بكاس الامم الافريقيه 2008

فى ناس هتقول احنا استفدنا ايه من البطوله
كل لاعب اخد فلوس وهما اخدوا الكاس
احنا اخدنا اكتر منهم
خدنا الايتسامه وحب الكوره
والفرحه فى الشوارع
من صغير لكبير

بصراحه ابن عمتى كان معايا ومصور لقطات فيديو كتير وانا هبقى ارفعلكم حاجه منها عشان تشوفوا الناس ازاى فى اللمه

وانا امبارح مش قدرت انام غير لما اكتب الكلام دا

اول مره احسن انى فى بلدى
وسط اللمه والناس واهلى
واحس ان مع قلبى
وقلبى فيا بيندهلى
والناس حوليا بميه قلب زى قلبى
ياسلام على شقاوتنا
والحب اللى ما فارقنا
والضحكه اللى على شفايفنا
الله عليكى يا بلدنا
واقف فى وسط الناس وحاسسهم
مكنتش لوحدى وكأنى عارفهم
وكلنا ايد فى ايد وشايفهم
وحياة الناس اللى شوفتها
وحياة دموعى اللى نزلتها
وحياة حياتى اللى عشتها
هطلع بيكى لفوق يا بلدى
وهتفضلى على طول فى حضنى

جميله قوى كلماتك

تسلم ايدك

بس ليه ياترى الفرحه دى بتكون فى الكوره وبس

ليه مش بنحس بمصر غير فى المجال الرياضى فقط

عشان بلدنا بقى كلها كوره
واهى حاجه بتنسيهم عن الشغل ومطالبتهم بحقوقهم
واهوا فرصه انهم اتجمعوا

عشان يتوهوا الشباب واهى حاجه يفكوا نفسهم بيها
حاجه بجد وحشه
بس جميله الفرحه اللى شوفناها